×
  • Lajme
  • Lajme

    Enver Hoxhaj kampion i rehatimeve në diplomaci: Mbesën, sekretaren, shoferin e depoistin

    FrontOnline
    26 Nëntor 2020

    Ushtruesi i Detyrës së kryetarit të Partisë Demokratikë të Kosovës, Enver Hoxhaj duket se është kampion në rehatimin e familjarëve e bashkëpunëtorëve të tij në shërbimin diplomatik të Kosovës.

    Hoxhaj i cili ka qenë edhe ministër i Jashtëm në Qeverinë e Kosovës duket se ka pasur më shumë mundësi që të punësojë familjarët dhe bashkëpunëtorët e tij.

    Sipas një liste të cilën e ka publikuar RTV Dulkagjini, Hoxhaj prin me numrin e të punësuarve.

    Sipas kësaj liste këta janë personat e dërguar nga Enver Hoxhaj në diplomaci:

    Leurata Berisha – Mbesa e Enver Hoxhajt;
    Mirjeta Behluli – Sekretare e Enver Hoxhajt;
    Enver Buqaj – Ish këshilltar i Enver Hoxhajt;
    Lulzim Pllana – Ish këshilltar i Enver Hoxhajt;
    Ilir Berisha – Shofer i Enver Hoxhajt;
    Xhelal Gega – Depoist ne MPJ, i graduar nga Enver Hoxhaj.

    Emërimi i djalit të deputetit të AAK-së, Haxhi Shala si konsull i përgjithshëm në Pragë të Cekisë ka aktualizuar në vend temën e punësimeve përmes lidhjeve politike e familjare në shërbimin diplomatik të vendit shkruan Reporteri.net.

    RTV Dukagjini ka publikuar sot një listë me emrat e disa prej personave që punojnë në shërbimin diplomatik të Kosovës.

    Kujtojmë që dje ushtruesja e detyrës së presidentit, Vjosa Osmani ka shkarkuar katër konsuj në mesin e tyre edhe Flakron Shalën, djalin e deputetit Shala.
    Të mërkurën, Presidenca ka njoftuar se u.d. e presidentes, Vjosa Osmani i ka shfuqizuar katër dekretet për emërimin e konsujve të përgjithshëm të Kosovës në Pragë, Lubjanë, Shkup dhe Tiranë.

    Në njoftimin e lëshuar, Presidenca ka vlerësuar se sa i përket tri rasteve të para, konsullatat e përgjithshme nuk mund të hapen dhe konsujt e përgjithshëm nuk mund të emërohen në të njëjtin qytet ku ndodhet edhe ambasada.

    “Për më tepër, bazuar në informatat që na janë dërguar, për këta konsuj të përgjithshëm nuk kishte ekzekuaturë/pëlqim nga shteti pritës. Ndërkaq, sa i përket rastit të katërt, atij të konsullit në Tiranë, u.d. Presidentja Osmani ka vendosur ta shfuqizojë dekretin për emërimin e konsullit të përgjithshëm, në përputhje me propozimin e Ministrisë së Punëve të Jashtme, propozim ky i cili nuk ishte marrë për bazë nga Presidenti paraprak”, thuhet në komunikatë.

    Vendimi i Osmanit ka ardhur pasi Flakron Shala, djali i deputetit të AAK-së, Haxhi Shala, është emëruar si konsull i përgjithshëm në Pragë të Çekisë.

    Përveç Shalës, me vendim të Osamnit janë shkarkuar edhe Blendi Kilaj nga konsullata në Lubjanë, Lindon Kqira nga konsullata në Shkup dhe Halim Krasniqi nga konsullata e Kosovës në Tiranë.

    Për shkak të punimeve në rrjet në këto zona do ketë ndërprerje të rrymës
    Nga Rubrika
    Lajme28 Mars 2024
    Rusia është vënë në përpjekje për një seancë të Këshillit të Sigurimit të Kombeve të Bashkuara, ku do të diskutohej rreth fushatës...
    Lajme28 Mars 2024
    Një person është therur rreth orës 7:30 të mëngjesit të enjten në Istog. Policia ka dalë në vendngjarje menjëherë dhe të lënduarin...
    Lajme28 Mars 2024
    Zëvendëskryeministri dhe ministri i Zhvillimit Ekonomik në Mal të Zi, Nik Gjeloshaj, tha se qëndrimi i Qeverisë është i qartë për qëndrimin...
    Të tjera
    Sport28 Mars 2024
    Real Madridi ka filluar të rinovojë kontratat me disa nga futbollistët e tyre. I pari ishte mesfushori gjerman, Toni Kroos, i cili...
    Front TV28 Mars 2024
    Deputetja e Lëvizjes Vetëvendosje, Fitore Pacolli, ka thënë se falë “punës së jashtëzakonshme të Qeverisë Kurti”, Kosova ka avancuar drejtë anëtarësimit në...
    Lajme28 Mars 2024
    Në përvjetorin e 25-të të masakrës së kryer në Podujevë nga njësiti serb “Skorpionët”, kryeministri Albin Kurti bëri homazhe te varrezat e...
    Lajme28 Mars 2024
    Njësia e Antidrogës së Policisë së Kosovës kanë zhvilluar sot një aksion në rajonin e Prizrenit dhe Gjakovës. Gjatë bastisjeve në këto...
    Lajme28 Mars 2024
    Ish-deputeti i VV’së, Fatmir Humolli ka folur nëse Bedri Hamza ka mundësi ta mposhtë Albin Kurtin.Por, sipas Humolli garat duhet të bëhen...
    Lajme28 Mars 2024
    Lidhja Demokratike e Kosovës “është dashuruar” në frazën “Hajnat n’burg” – frazë kjo e përdorur shumë nga Lëvizja Vetëvendosje sa ishte në...

    FrontOnline, © 2024 Të gjitha të drejtat e rezervuara.