Franca do të mblesh këshillin e sigurisë këtë javë, për të përcaktuar kufizimet e reja, në mes të asaj që ekspertët e quajnë valën e dytë të infeksioneve të koronavirusit.
Në mars, shumica e rasteve ishin të vendosura në pjesën lindore të vendit, por tani infeksionet janë përhapur në të gjithë Francën, dhe spitalet po mbushen shpejt.
Franca numëroi një rekord 52,000 raste të reja të dielën, por ekspertët thonë se me shumë raste asimptomatike, numri i mundshëm është më i lartë.
Këshilli shkencor vlerëson se ka rreth 100,000 raste në vend në ditë, tha presidenti i këshillit Jean-François DelFraissy të hënën në RTL Radio.
DelFraissy e përshkroi situatën e epidemisë si “shumë të vështirë, madje me gjasë kritike” në vend.
“Ne kishim parashikuar se do të kishte këtë valë të dytë, por ne vetë jemi të befasuar nga brutaliteti i asaj që ka ndodhur gjatë dhjetë ditëve të fundit,” shtoi ai.
Dhjetë ditë më parë, qeveria miratoi një gjendje të jashtëzakonshme për të lejuar zbatimin e masave më të rrepta shëndetësore për të frenuar përhapjen e virusit.
Shumë ekspertë thonë se vendi ka humbur kontrollin e epidemisë.
“Virusi është aq i pranishëm sa mendoj se sot nuk kemi ndonjë zgjidhje tjetër. Duhet të bllokohemi përsëri,”- i tha dje France Info Dr Eric Caumes, shefi i shërbimeve infektive në Spitalin Pitié-Salpêtrière në Paris.
“Ne kemi humbur kontrollin e epidemisë disa javë më parë,” i tha Dr Caumes shërbimit publik të lajmeve.
Të paktën 46 milion njerëz në Francë janë tashmë subjekt i një ndalim-qarkullimi nga ora 21:00, për të cilën Caumes tha se ishte një “bast i rrezikshëm” sepse nuk dihet nëse masa do të jetë efektive.
Shtrimet në spital të koronavirusit rriten me 8,000 brenda dy javësh
Shumë presin që qeveria do të lëshojë kufizime të reja këtë javë, me një njoftim që pritet të mërkurën, raportojnë mediat franceze.
“Kur nuk prekemi, ne mendojmë se jemi të paprekshëm,” tha kryeministri francez Jean Castex javën e kaluar, duke artikuluar me një ton më të fortë pasi ai që kishte përshkruar më parë situatën si “serioze”.
“Askush nuk mund ta konsiderojë veten të sigurt nga kjo, madje edhe të rinjtë,” shtoi Castex.
Në disa qytete në Francë, baret janë të mbyllura, por restorantet, kinematë dhe teatrot mbeten të hapura me masa më të rrepta./ I.M-Dritare.net
