Front TV

Ekspertët: Kufizimi i orarit ishte kompromis për mosmbyllje të bizneseve

Ekspertët: Kufizimi i orarit ishte kompromis për mosmbyllje të bizneseve
19:27 | 11 Nëntor 2020

Punën krejt nuk ua ndalojë.

Gastronomisë, kryeministri Avdullah Hoti, të martën orarin ua shkurtoi.

Megjithatë, jo të gjithëve, njëjtë.

Restorantet dhe kafeteritë që operojnë në zonën e gjelbër ku përfshihen komunat me fare pak raste të reja me Coronavirus u është lejuar puna deri në orën 20:00.

Atyre që veprojnënë komunat me ngjyrë të portokalltë, ku rreziku i infektimit është mesatar, deri në orën 18:00.

E bizneset e kësaj natyre që veprimtarinë e tyre e ushtrojnë në komunat e shënjuara me të kuqe, ku rreziku i infektimit është maksimal, deri në ora 19:00.

Me këto kufizime po pajtohen ata që përfaqësojnë bizneset.

“Agjencia Kosovare e Bizneseve i vlerëson dhe i mbështet masat proprcionale varësisht nga situata e krijuar nga pandemia në Kosovë”, thuhet në njoftimin e tyre.

Të pranueshme këto masa po u duken edhe ekspertëve të ekonomisë, kur marrin përbazë evitimin e më të keqes, mbylljes totale.

“Shihet një dritë për të mos thënë e gjelbër, por portokalli, në krahasim me dritën e kuqe që u paralajmëru të mbylljes totale te vendit. Vlerësohen si masa pozitive si dhe një lloj baraspeshe me kërkesat e sektori privat që ishin para mbylljes”,u shpreh Bardh Ahmeti për Front Online.

“Sot ka qenë një kompromis që sado kudo që ështëivështirë për bizneset, është mëimirë se mbyllja”, u shpreh SafetGërxhaliu për Front Online..

Vendimet  Qeveria i mori në ditën kur në Kuvend shkaku i mungesës së kuorumit, dështoi të mbahet seanca ku do të hidhej për votim në lexim të dytë Projektligji për Rimëkëmbje Ekonomike.

Krejt këto probleme janë manifestuar për të keq edhe një aspekt tjetër.

Të dhënat e Fondit Ndërkombëtar thonë se GDP-ja e Kosovës deri në tetor ka shënuar rënie prej 7.5%.

“ Vetë fakti që kemi t’kurrje të të hyrave në Dogana dhe ATK është hapi i parë, kemi dërgesa nga diaspora, por nuk kemi rritje dhe shpenzime tëkërkesësagregate nga diaspora që vjen në Kosovë, krejt kjo ka ndikuar të mos kemi investime të huaja”, u shpreh Gërxhaliu për Front Online.

Këto probleme ekonomike sipas analistëve ekonomikë do të mund të zgjidheshin me rritjen e borxhit publik.

 

https://www.youtube.com/watch?v=lH9k5ieexxE&t=1s

Përfito FALAS një pushim për çift në Budva

Të tjera