[wp-story]

Lajme

EKSKLUZIVE: Këta janë konsujt që i shkarkoi Vjosa Osmani

EKSKLUZIVE: Këta janë konsujt që i shkarkoi Vjosa Osmani
19:32 | 25 Nëntor 2020

U.d. e Presidentes të Kosovës, Vjosa Osmani, sot ka marrë vendim për t’i shfuqizuar katër dekrete për konsuj të përgjithshëm, konkretisht për konsujt e përgjithshëm në Pragë, Lubjanë, Shkup dhe Tiranë, raporton portali FrontOnline.

Sipas burimeve të portalit Front Online, konsujt e shkarkuar janë:

  1. Flakron Shala (Pragë)
  2. Blendi Kilaj (Lubjanë)
  3. Lindon Kqira (Shkup)
  4. Halim Krasniqi (Tiranë)

Ndërsa në komunikatën që ka lëshuar zyra e Osmanit, thuhet se shkarkimi I tyre u bë me përgjegjësitë e saj kushtetuese si dhe bazuar në praktikat diplomatike e konsullore.

Në përputhje me përgjegjësitë e saj kushtetuese si dhe bazuar në praktikat diplomatike e konsullore, u.d. Presidentja, dr.Vjosa Osmani-Sadriu sot ka shfuqizuar katër dekrete për konsuj të përgjithshëm, konkretisht për konsujt e përgjithshëm në Pragë, Lubjanë, Shkup dhe Tiranë.

Sa i përket tri rasteve të para, bazuar në praktikën diplomatike e konsullore, konsullatat e përgjithshme, si rregull, nuk hapen dhe konsujt e përgjithshëm nuk emërohen në të njëjtin qytet ku ndodhet edhe Ambasada. Për më tepër, bazuar në informatat që na janë dërguar, për këta konsuj të përgjithshëm nuk kishte ekzekuaturë/pëlqim nga shteti pritës. Ndërkaq, sa i përket rastit të katërt, atij të konsullit në Tiranë, u.d. Presidentja Osmani ka vendosur ta shfuqizojë dekretin për emërimin e konsullit të përgjithshëm, në përputhje me propozimin e Ministrisë së Punëve të Jashtme, propozim ky i cili nuk ishte marrë për bazë nga Presidenti paraprak.

Si udhëheqëse e politikës së jashtme, u.d. Presidentja është e përkushtuar që të mbrojë ligjshmërinë dhe profesionalizmin përgjatë emërimeve në shërbimin e jashtëm. Ajo do të vazhdojë të insistojë, që të mos tejkalohet kuota e emërimeve politike, e paraparë me Ligjin për Ministrinë e Punëve të Jashtme dhe Shërbimin Diplomatik, dhe që emërimet të bëhen nga radhët e diplomatëve të karrierës.

“Petrol Company” ndihmon më shumë se 200 familje për festën e Fitër Bajramit (VIDEO)

Të tjera