Banka Kombëtare Tregtare (BKT) ka qenë sponsori kryesor i Superligës së Kosovës në futboll edicionin, andaj kampionati elitar kosovar është quajtur “BKT Superliga e Kosovës”, raporton FrontOnline.
Bashkëpunimi mes FFK-së dhe bankës në fjalë ishte i mirë, derisa sponsori ndante edhe çmimet për futbollistin më të mirë të javës pas çdo xhiroje.
Megjithatë, kur kanë mbetur pak ditë nga fillimi i edicionit të ri në Superligën e Kosovës, palët – FFK-ja dhe BKT-ja duket se kanë hasur në mosmarrëveshje.
FrontOnline mëson ekskluzivisht se Federata e Futbollit e Kosovës dhe Banka Kombëtare Tregtare nuk kanë arritur marrëveshje sponsorizimi për edicionin 2022/23.
Si pasojë e kësaj, FFK-ja do të duhet të gjejë ndonjë sponsor të ri së shpejti.
Në rast se federata që drejtohet nga Agim Ademi nuk ia del, atëherë kampionati elitar kosovar i futbollit do të quhet vetëm “Superliga e Kosovës”.
Ndryshe, edicioni 2022/23 në Superligën e Kosovës nis këtë fundjavë me shumë ndeshje interesante./FrontOnline/