[wp-story]

Lajme

Ekaterina Trendafilova riemërohet kryetare e Speciales edhe për katër vite

Ekaterina Trendafilova riemërohet kryetare e Speciales edhe për katër vite
11:07 | 26 Nëntor 2020

Ekaterina Trendafilova do të vazhdojë të jetë kryetare e Gjykatës Speciale. Ajo është emëruar kryetare e këtij institucioni të Kosovës në Hagë edhe për katër vite të tjera.

Riemërimin e saj në këtë pozitë e ka bërë shefi i misionit të EULEX-it në Kosovë, Lars-Gunnar Wigemark.

Siç thuhet në njoftim, Trendafilova ka shprehur mirënjohjen për besimin që i është dhënë për të vijuar t’u shërbejë Dhomave të Specializuara të Kosovës të cilat kanë hyrë në një fazë të re dhe të rëndësishme me nisjen e proceseve gjyqësore, raporton Express.

Ajo ka deklaruar se ka besim që proceset do të kryhen në mënyrë të mbrojtur, të pavarur, të paanshme, të drejtë dhe efikase, në pajtim me mandatin e Dhomave të Specializuara të Kosovës.

Trendafilova është juriste, akademike dhe gjykatëse e shquar nga Bullgaria. Ajo u emërua si kryetare e Dhomave të Specializuara të Kosovës në dhjetor 2016 dhe mori detyrën të cilën e filloi më 12 janar 2017.

Super zbritje në “Petrol Company”

Të tjera