Kryeministri i Shqipërisë Edi Rama ka reaguar për gjendjen në spitalet shqiptare duke publikuar foto që tregojnë se si ishin ato vite më parë dhe si janë sot.Rama thekson se ai është i pakënaquri më i madh, por gjendjen e spitaleve dikur me ndryshimin e bërë sot ai e quan si “dita me natën”.
“Mos të mërziten ata që s’duan të shikojnë, sepse këto pamje nga infrastruktura e shëndetësisë shqiptare, si ishte deri 7 vjet më parë e si është sot, janë shumë dhe duhen shumë ditë për t’i ekspozuar në funksion të freskimit të kujtesës. Nuk është qëllimi i këtij ekspozimi as për t’u mburrur e as për të kërkuar duartrokitje, sepse ka kaq shumë akoma për të bërë sa unë jam i pakënaquri më i madh me ku jemi! Por ama kush thotë se këtu ku jemi, nuk është si dita me natën me ku ishim deri vetëm 7 vjet më parë, duhet ndihmuar të freskojë kujtesën, që ta kuptojë pa asnjë mundim se jemi në rrugën e duhur dhe duhet vetëm të mos ndalemi.
#SkaKohëPërPushim *Dispanceria, Tiranë”, shkruan Rama.