×
  • Lajme
  • Sport
  • Lajme

    Edhe një tender për Devollët, tash Federata e Futbollit ia dhuron ligën në një proces të dyshimtë

    FrontOnline
    01 Shtator 2020

    Devollët nuk humbasin dot në tenderët që ua mësyjnë. Madje, ata tashmë kanë arritur të depërtojnë edhe në futbollin kosovar, ku dyert iu hapën nga vet Federata e Futbollit e Kosovës (FFK).

    Artmotion, që është në pronësi të Devollëve, tashmë i ka fituar të drejtat televizive për transmetimin e Superligës së Kosovës në futboll për edicionin e ri, i cili do të fillojë më 12 shtator.

    Gazeta Express mëson se një komision i FFK-së që është marrë me procesin e shitblerjes së drejtave televizive tashmë i ka kryer punët dhe e ka përgatit një raport, përmes të cilit e rekomandon Komitetin Ekzekutiv të FFK-së që “Artmotion” të shpallet fitues.
    Mirëpo, qysh herët ka pasur dyshime në krejt këtë proces. Madje, fitorja e “Artmotion” në këtë tender përflitej në futbollin kosovar qysh para hapjes së tenderit.

    Po ashtu, ofertat financiare janë mbajtur të fshehta për disa ditë. Ndërsa, praktikat dhe ligjet në Kosovës i obligojnë instucionet që ofertat financiare me i çelë në prezencë të palëve. Dhe, kjo i shton dyshimet mbi korrektësinë e këtij procesi.

    Konkurrues ishin tri kompani, ndërsa në garë ishte edhe “Kujtesa”. Kurse, FFK-ja ia kishte pamundësuar “Digitalbit” pjesëmarrjen në tender, me arsyetimin se ishte subjekt i jashtëm (nga Shqipëria), ndonëse qe disa vite ishte pikërisht “Digitalbi” ishte transmetues i kampionatit kosovar, i cili tashmë prodhon skuadra pjesëmarrëse për Ligën e Kampionëve dhe Ligën e Evropës.

    Federata e Futbollit e Kosovës (FFK) e kishte hapur tenderin më 5 gusht. Kompanitë mediale kishin afat deri më 12 gusht të konkurronin. Por, fituesi nuk është shpallur as disa javë pas mbylljes së afatit të tenderimit.

    Në FFK thonë se gjatë këtyre javëve komisioni ka negociuar detaje me ofertuesit. Por, assesi shtëpia e futbollit nuk pranon të jap ndonjë informacion tjetër, e as rreth asaj se sa para i kanë ofruar ofertuesit apo ndonjë sqarim tjetër që ka të bëjë me procesin, i cili po shkon drejt fundit vetëm pak ditë para se të fillojë kampionati i ri, në një kohë kur fokusi i të gjithëve është tek ndeshjet e Kombëtares së Kosovës me Moldavinë dhe Greqinë në Ligën e Kombeve.

    Sidoqoftë, krejt procesi është vënë në dyshim të madh. “Digitalb” ka paralajmëruar ankesë në gjykatë por edhe në UEFA.

    Ndërsa, prijësit e disa klubeve para pak ditësh e ngritën zërin duke kërkuar kujdes nga FFK në këtë proces sepse nuk do ta pranojnë një fitues të kurdisur, duke potencuar se është dashtë t’u epet mundësia edhe subjekteve të jashtëm të konkurrojnë sepse duke kufizuar kompani ofertat do të jenë të paketa dhe me përmbajtje të shumave të vogla të parave.

    Përvoja nga e kaluara tregon se klubet mund ta “shkatërrojnë” procesin nëse fituesi është përcaktuar para hapjes së tenderit. Qysh në edicionin 2015-2016 të gjitha klubet ishin bashkë me FFK-në për t’ia shitur drejtat televizive “Digitalbit”. Por, vetëm FC Prishtina ishte kundër dhe e pakënaqur. Klubi më i madh kosovar ishte ndarë prej 11 klubeve tjera që ishin me “Digitalbin”, duke ia dhënë ndeshjet e saj Radio Televizionit të Kosovës. Dhe, FFK kishte mbetur si spektatore, duke mos arritur ta bindte Prishtinën t’u bashkohet 11 klubeve tjera në “Digitalb”.

    NimiTV ofron 30% zbritje për Black Friday
    Nga Rubrika
    Lajme28 Mars 2024
    Qytetarët e katër komunave me shumicë serbe në veri të Kosovës në dy ditët e fundit janë “befasuar” nga faturat për energjinë...
    Lajme28 Mars 2024
    Ish-kreu i Ministrisë së Punëve të Brendshme, Ekrem Mustafa për Front Online tha se nuk mund të ketë eskalim të situatës në...
    Lajme28 Mars 2024
    Nënkryetarja e Partisë Demokratike të Kosovës, Vlora Çitaku ka thënë se ndjehet krenare për partinë e saj e cila zgjodhi Besianë Musmuratin...
    Të tjera
    Lajme28 Mars 2024
    Deputeti nga radhët e Lëvizjes Vetëvendosje, Visar Korenica, ka ngritur dyshimet se për votimin e disa projektligjeve nuk ka pasur kuorum të...
    Lajme28 Mars 2024
    Kuvendi i Kosovës ka dështuar ta votojë në lexim të dytë Projektligjin për shëndetin riprodhues (IVF) gjatë një seance të enjten, për...
    Lajme28 Mars 2024
    Kryetari i komunës së Drenasit, Ramiz Lladrovci, ka postuar fjalimin që ai ka mbajtur sot në mbledhjen e Këshillit të Drejtues të...
    Lajme28 Mars 2024
    Rusia është vënë në përpjekje për një seancë të Këshillit të Sigurimit të Kombeve të Bashkuara, ku do të diskutohej rreth fushatës...
    Bota/Rajoni28 Mars 2024
    Polonia ka hapur përkohësisht një pikë kufitare me Ukrainën, tha Kievi më 28 mars, përderisa përfaqësuesit qeveritarë u takuan në Varshavë për...
    Lajme28 Mars 2024
    Një person është therur rreth orës 7:30 të mëngjesit të enjten në Istog. Policia ka dalë në vendngjarje menjëherë dhe të lënduarin...

    FrontOnline, © 2024 Të gjitha të drejtat e rezervuara.