Edhe Hekuran Murati reagon ndaj deklaratave të Lutfi Hazirit

Kandidati për deputet nga radhët e Lëvizjes Vetëvendosje, Hekuran Murati, i ka reaguar deklaratave të fundit të nënkryetarit të parë të LDK’së, Lutfi Haziri.

Gjithçka dukej se po shkonte mirë në bisedimet mes dy subjekteve më të votuara në zgjedhjet e 6 tetorit. Grupet punuese të LDK’së dhe VV’së takohen çdo tre ditë dhe duket se përafrimi i programit qeverisës është shumë afër.

Por megjithatë, disa deklarata të Lutfi Hazirit mbrëmë duket se kanë ndikuar në një ftohje të vogël të raporteve mes zyrtarëve të VV’së dhe Hazirit.

Haziri kishte se emri i kryeministrit kalon nëpër zyret e LDK’së, në një postim në Facebook. Pastaj kishte polemizuar me një komentues duke thënë se janë të gatshëm të shkojnë përsëri në zgjedhje.

Ndaj këtyre deklaratave ka pasur reagime të shumta nga zyrtarë të VV’së, dhe tani ka reaguar edhe eksperti i ekonomisë nga Hekuran Murati.

“Deklarata të stilit “që s’e shutoj une penallin, e marr topin e shkoj në shpi”, nuk i bëjnë nder një partie që pretendon të jetë institucionaliste e shtetformuese”, ka thënë Murati.

“Shumë punë na pret, e kohë për të humbur nuk kemi. Qytetarët na votuan që të punojmë dhe ta kthejmë shpresën. Andaj edhe duhet të sillemi siç na takon”, ka shtuar ai duke i kujtuar Hazirit se VV ka fituar zgjedhjet dhe se Albin Kurti pritet të jetë mandatari për kryeministër nga një koalicion i mundshëm LDK-VV, kështu që ai bën thirrje të mos humbet më shumë kohë. /Front Online/

Bonus dhe Premium Kartela të cilat po i ofron Petrol Company, kartelat më të kërkuara nga klientët

Sponsoruar