Gjatë ditës së sotme është raportuar në media se kreu i AAK-së, Ramush Haradinaj po kërkon që të anulohet marrëveshja që pritet të nënshkruhet sot me Kosovës dhe Serbisë.

Për një gjë të tillë, amerikanët kanë paralajmëruar sanksione ndaj tij.

Nga Aleanca për Ardhmërinë e Kosovës, janë shprehur të pa informuar me një veprim të tillë të Haradinaj.

Deputeti nga radhët e këtij subjekti, Rasim Selmanaj ka thënë për Front Online, se nuk e ka një informatë të tillë, por që nuk do ta përkrahin një marrëveshje që i shkel parimet.

“Parimet që i kemi vendosur për dialogun ato mbesin deri në fund, por për ndonjë zhvillim të sotëm unë nuk jam në dijeni. Unë mbetem optimist me zhvillimet politike. Çfarëdo marrëveshje që i shkel parimet, ne nuk e përkrahim”, ka deklaruar ai për Front Online.

Selmanaj ka treguar se nuk është informuar me çështjet që do të diskutohen të takimin e sotëm./Front Online/