Përveç që u soll ilegalisht në Kosovë, ilaçit që po thuhet se ka brenda vaksinën gjermano-amerikane Pfizer Biontech, po i kontestohet edhe përmbajtja.

Sipas kryetares së komisionit parlamentar për shëndetësi dhe mirëqenie sociale, Albena Reshitaj, ka dyshime se brenda shisheve nuk ka ilaç që mëton ta shërojë e parandalojë virusin korona, por një lëng të quajtur “Placebo” që nuk ka as efekte shëruese e as të tjera anësore për trupin brenda së cilit injektohet, e që përdoret kryesisht tek personat e sëmurë mendërisht.

Reshitaj thotë se fakti që qytetarët i ekspozohen virusit me idenë që janë vaksinuar paraqet rrezik të dyfishtë për ta.

Klan Kosova merr vesh se institucionet vendore shëndetësore nuk kanë arritur akoma ta gjurmojnë këtë ilaç të prezantuar si vaksina kundër COVID-19 për të mësuar përmbajtjen e vërtetë të tij.