Dy fëmijë vdiqën dhe gjashtë të tjerë u lënduan kur një autobus u përplas në një çerdhe në Quebec, Kanada.
Shoferi i autobusit, 51 vjeç, i cili ishte punonjës i sistemit të transportit publik lokal, është arrestuar dhe akuzuar për vrasje dhe drejtim të pakujdesshëm.
Policia i tha BBC-së se fillimisht u lajmërua për aksidentin rreth orës 08:30 me orën lokale të mërkurën.
Rrethanat e sakta të ngjarjes, e cila ndodhi në periferi të Montrealit, Laval, janë të paqarta, përcjell Klankosova.tv
“Ne nuk e dimë pse e bëri atë dhe motivi i krimit tani është ende nën hetim”, tha zëdhënësja e policisë Laval, Erika Landry.
Një dëshmitar okular, Hamdi Ben Chaabane, tha se shoferi doli nga autobusi pas përplasjes, hoqi rrobat e tij dhe filloi të vepronte në mënyrë të çrregullt.
Disa fëmijë u kapën nën rrotat e automjetit, tha ai. “Ishte një makth. Është e tmerrshme. Ai nuk pushoi së bërtituri”.
Çerdhja ndodhet në një rrugë të qetë në Laval dhe policia e rrethoi zonën të mërkurën pasdite.