Profesori universitar i historisë Bujar Dugolli, ka folur rreth zhvillimeve në veri të vendit, ku të dielën si pasojë e sulmit të një grupi terrorist mbeti i vrarë një polic dhe u plagosën edhe disa të tjerë.

Dugolli tha në Edicionin Special në Klan Kosova se faktori ndërkombëtar i mbylli sytë para bandave kriminale.

” Duke u frymëzuar përmes një “tolerance” që iu bënin ndërmjetësuesit e Bashkimit Evopian në dialog, ata mendonin të krijonin një realitet të ri, duke sulmuar policinë dhe duke vrarë një pjesëtar dhe i plagosën disa të tjerë” tha Dugolli.

Në sulmin e së dielës në fshatin Banjskë të Zveçanit u vra rreshteri Afrim Bunjaku.

Ai u shpall “Hero i Kosovës” nga presidentja e Kosovës Vjosa Osmani.

Bunjaku u varros në fshatin Samadrexhë.