Sport

Duele interesante në xhiron e katërt të elitës së basketbollit kosovar

Duele interesante në xhiron e katërt të elitës së basketbollit kosovar
09:45 | 01 Tetor 2022

Këtë fundjavë do të zhvillohet xhiroja e katërt në Superligën e Kosovës në basketboll, shkruan FrontOnline.

Në këtë javë do të zhvillohen tri ndeshje, kurse Trepça – Prishtina është shtyrë për më vonë.

Sfida e parë zhvillohet ndërmjet Bashkimit dhe Rahovecit, ku të dy skuadrat kanë nga një fitore e dy humbje dhe do të kërkojnë fitoren e dytë në këtë edicion.

Vëllaznimi, që ka hyrë këtë edicion në Superligë do të ndeshet me Pejën, që ka tri fitore në tri ndeshje të zhvilluara. Kuqezinjtë kanë një fitore, në takimin e parë si vendas dhe do të mundohen të realizojnë fitoren e dytë, kurse verdhezinjtë kërkojnë fitoren e katërt.

Kampioni Ylli është në kërkim të fitores së parë pas tri humbjeve radhazi. Therandasit janë mysafirë të Prizrenit, që numëron një fitore e dy humbje.

Prince Caffe Superliga – Java 4

E shtunë

17:00 Bashkimi – Rahoveci

E diel

17:00 Vëllaznimi – Peja

19:00 Ponte Prizreni – Ylli

(Trepça – Sigal Prishtina është shtyrë për më vonë)./FrontOnline/

Petrol Company zbret çmimet në Ditën e Verës: Benzinë 1.70 euro dhe Diesel 1.85 Euro për litër

Të tjera