Një padi është ngritur kundër këngëtares kosovare me famë botërore Dua Lipa, pasi ajo publikoi një foto nga media në llogarinë e saj në Instagram. Sipas dokumenteve zyrtare të gjykatës në SHBA, këngëtarja u fotografua nga paparacët në aeroport në vitin 2019 me fansat e saj. Pas pak, fotoja nga media arriti në profilin zyrtar të këngëtares në Instagram pa autorizimin paraprak të fotografit që bëri foton.

Kompania “Integral images” thotë se këngëtarja e njohur angleze me origjinë shqiptare përfitoi nga kjo foto, sepse llogaria e saj në Instagram shërben si një mjet marketingu për promovimin e muzikës së saj. Për shkak të shkeljes së të drejtës së autorit, kompania po kërkon kompensim monetar në shumën prej 150,000 dollarë amerikanë, si dhe gjykimin e këngëtares. Gjithashtu, këto kompani do të kërkojnë nga gjykata një urdhër zyrtar i cili do të parandalojë këngëtares të kryejë vepra të ngjashme në të ardhmen, siç thonë ata nga kompania. Dua Lipa e postoi këtë foto më 7 shkurt 2019, vetëm katër ditë pasi u bë në aeroport me fansat e saj./FrontOnline/