×
  • Lajme
  • Hulumtime
  • Hulumtime

    Dron “Bayraktar”, libra, pllaka”, lista e dhuratave që pranoi Presidentja Osmani më 2022 (DOKUMENT)

    Jehona Zhuniqi
    05 Janar 2023

    Hiç më pak se 56 dhurata protokollare ka pranuar presidentja e Kosovës, Vjosa Osmani gjatë dhjetë muajve të vitit 2022.

    Dron “Bayraktar”, vazo, pllaka të ndryshme, libra, punime në dru, janë vetëm disa prej tyre të cilat i ka pranuar presidentja Osmani, shkruan Front Online.

    Front Online bazuar në Ligjin për Qasje në Dokumente Publike ka siguruar listat e dhuratave protokollare të cilat i janë dhuruar presidentes Osmani nga janari e deri në tetor të vitit 2022.

    Pranimi i dhuratave nga zyrtarët publikë rregullohet me Ligjin për deklarimin, prejardhjen dhe kontrollin e dhuratave.

    Sipas këtij ligji, zyrtarët mund të pranojnë dhurata të rastit dhe dhurata protokollare.

    Këto të fundit duhet t’i mbesin institucionit.

    Më 26 shkurt të vitit 2022 presidentja Osmani gjatë vizitës zyrtare që pati në Turqi vizitoi fabrikën për prodhimin e dronëve “Bayraktar“, ku edhe iu dhurua një dron “Bayraktar”, në miniaturë.

    Kurse, më 1 mars të po këtij viti ajo mori dhuratë edhe një aeroplan luftarak në miniaturë, i vendosur në kornizë të drurit nga gjeneral Hulusi Akar.

    Më 28 prill 2022 Vjosa Osmani pranoi një dhurat vazo e qeramikës me mbishkrim nga kryetarja e Dhomës së Përfaqësuesve të ShBA-së, Nancy Pelosi.

    Ndërsa, gjatë vizitës që pati në Lituani më 7 maj nga presidenti i këtij shteti, Gitanas Nauseda, Osmanit iu dhurua një vazo procelani dekorues.

    Një logo të FSK-së me gurë të Trepçës presidentja Osmani e pranoi më 9 qershor nga komandanti i FSK-së, Bashkim Jashari.

    Kurse, nga presidentja e Singaporit Halimah Yacob më 27 qershor presidentja Osmani prano dhuratë një libër të vendosur në kornizë, shkruan Front Online.

    E, drejtori i gazetës zyrtare në Slloveni, Denis Stroligo më 5 korrik të vitit 2022 i dhuroi Osmanit Kushtetutën e Sllovenisë.

    Gjatë vizitës, që Osmani pati në Shtetet e Bashkuara të Amerikës, u takua edhe me sekretarin e shtetit Antony Blinken.

    Nga i njëjti më 27 korrik Osmani pranoi një vazo të qelqit me mbishkrim.

    Dhuratë mori edhe nga presidenti i FIFA-s, Giani Infantino.

    I njëjti gjatë vizitës që pati në Kosovë, u takua edhe me presidenten Vjosa Osmani.

    Ai i dhuroi Osmanit një top futbolli dhe fanellë futbolli me mbishkrim.

    Një medalje në kornizë të drurit ia dhuroi më 10 tetor Stuart B.Munsch, komandant i komandës së Forcave të Përbashkëta Aleate në NATO-s, në Napoli.

    Osmani, pa dhuratë nuk kishte shpëtuar as nga bija e Madeline Albright, Alice Albright e cila gjatë vizitës në Kosovë më 17 tetor u takua me presidenten dhe ia dhuroi një pjatë të porcelanit me mbishkrim.

    Ndërsa, më 24 dhjetor presidenti i Maltës gjatë vizitës që i bëri Kosovës ia dhuroi Osmanit një anije me vela në miniaturë.

    Osmani gjatë kësaj kohe, pra periudhës janar-tetor 2022 kishte pranuar edhe dhurata të tjera./Front Online

     

     

     

     

     

     

     

     

    Shqipëria mbushet me turistë kosovarë falë Sharr Travel
    Nga Rubrika
    Lajme28 Mars 2024
    Ambasadori i Mbretërisë së Bashkuar në Kosovë, Jonathan Hargreaves, ka qenë në Mitrovicë ku është takuar me kreun e kësaj komune Bedri...
    Lajme28 Mars 2024
    Lulzim Rafuna, kryetar i Odës Ekonomike të Kosovës (OEK), ka thënë të enjten se imazhi i krijuar për Kosovën që “mund të...
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Të tjera
    Lajme28 Mars 2024
    Zgjedhjet evropiane të vitit 2024 do të përcaktojnë kursin për një sërë gjërash. Sigurisht edhe për të ardhmen e BE-së. Sepse është...
    Lajme28 Mars 2024
    Bashkëkryesuesi i Komisionit Parlamentar për Stabilizim Asociim BE–Kosovë, Lukas Mandl ka deklaruar se Kosova i ka plotësuar të gjitha kushtet për anëtarësim...
    Bota/Rajoni28 Mars 2024
    Aleanca për Shqiptarët e Ziadin Selës i bashkohet Frontit Evropian. Ky vendim erdhi pas mbledhjes së Kuvendit Qendror të kësaj partie. Pas...
    Lajme28 Mars 2024
    Zëvendëskryeministri shqiptar në Qeverinë e Malit të Zi, Nik Gjeloshaj, ka thënë se qëndrimi zyrtar i tyre për Kosovën nuk ka ndryshuar....
    Lajme28 Mars 2024
    Bashkëkryesuesi i Komisionit Parlamentar për Stabilizim Asociim BE–Kosovë, Lukas Mandl ka deklaruar se Kosova i ka plotësuar të gjitha kushtet për anëtarësim...
    Lajme28 Mars 2024
    Inspektorati i Kryeqytetit njofton se po vazhdon aksionin e kontrollit të transportuesve të udhëtarëve në kryeqytet bashkë edhe me Policinë e Kosovës....

    FrontOnline, © 2024 Të gjitha të drejtat e rezervuara.