Sport

Driton Kuka për Akil Gjakovën: Për mua je medalist sepse medaljen e meritove

Driton Kuka për Akil Gjakovën: Për mua je medalist sepse medaljen e meritove
09:53 | 04 Gusht 2021

Ekipi olimpik i xhudos së Kosovës është rikthyer në hënën në mbrëmje nga Tokio.

Në kryeqytetin japonez, xhudistët e Kosovës morën pjesë në Lojërat Olimpike “Tokio 2020”, ku Kosova fitoi dy medalje të arta me Distria Krasniqin dhe Nora Gjakovën, shkruan FrontOnline.

Afër medaljes ishte edhe Akil Gjakova, por përkundër tri fitoreve, xhudisti pejan nuk ia doli.

Trajneri i tij, Driton Kuka ka shkruar sërish fjalë të mëdha për Akilin, i cili e mbylli në vend të shtatë në “Tokio 2020”.

Postimi i plotë i Kukës në “Facebook”:

#wednesdaymotivation
Akil Gjakova vendi 7 në Lojëra Olimpike!
Ju deshën tri fitore për të ardhur në 8 e parë.
Ishte i shkelqyeshëm në çdo aspekt.
Medaljet e Disit e Nores e qitën Akilin pak nën hije por rezultati i tij është i jashtëzakonshëm!
Me pak fat do kishim medaljen e tretë për ekipin tonë por do bazhdon tutje Akili i cili sivjet rrëmbeu titullin e Kampionit Evropian.
Akil për mua je medalist sepse medaljen e meritove,fati sportiv ishte pak sa kundër nesh por do vazhdojmë tutje!“./FrontOnline/

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Të tjera