Drita e ka shënuar edhe fitoren e katërt në po aq ndeshje miqësore të zhvilluara në Antalia të Turqisë, atje ku po qëndron për fazën përgatitore para stinorit pranveror në Superligën e Kosovës në futboll.
Tre herë kampionët e vendit fituan 2:1 kundër Randers, skuadrës elitare të futbollit danez, shkruan FrontOnline.
Ardit Tahiri në minutën e 19-të dhe Leonat Vitija në minutën e 85-të ishin autorët e golave të fitores për “bardhekaltrit”.
Drita që tani po drejtohet nga trajneri Arsim Thaqi e nis stinorin pranveror nga pozita e parë me 38 pikë, aq sa ka edhe Ballkani./FrontOnline/