“Kuqezinjtë” e udhëhequr nga trajneri, Tahir Lushtaku mposhtën klinasit me rezultat të pastër 2-0 në stadiumin “Bajram Aliu” në Skenderaj, raporton Demokracia.com.

Dy golat që vulosën fitoren e drenicasve i realizoi braziliani, Denisson.

I njëjti realizoi në minutën e 36-të nga pika e bardhë e penalltisë, ndërkohë për golin e dytë u desh të pritej minuta e 70-të.

Për “Hithat” u vështirësuan punët në minutën e 36-të kur Syla shkaktoi penallti, nga e cila i saktë u tregua anësori i Drenicës.

Drenica me këtë fitore ngritet në vendin e dytë me 20 pikë, aq sa ka Gjilani i treti.

Ndërsa Dukagjini ndodhet në pozitën e tetë me dhjetë pikë. /