Drejtuesit e Komitetit Olimpik të Kosovës, presidenti Ismet Krasniqi, sekretari i përgjithshëm, Besim Aliti dhe nënpresidenti Milaim Kelmendi, kanë marrë pjesë në takimin e drejtuesve të Komiteteve Olimpike të Evropës Qendrore dhe Juglindore, që u mbajt në Podgoricë të Malit të Zi, përcjell FrontOnline.

Në takim u diskutua për Lojërat Evropiane “Krakovia dhe Maloposka 2023” dhe LE 2027, për të cilat qyteti i Splitit të Kroacisë edhe zyrtarisht ka shpallur kandidaturën për të marrë të drejtën e organizimit.

Temë tjetër diskutimi ishin Festivali Olimpik Evropian për të Rinj (EYOF) Dimëror dhe Veror, që organizohen vitin e ardhshëm, si dhe Kongresi i ardhshëm i Komitetit Olimpik të Evropës (EOC).

Krahas takimeve, Komiteti Olimpik mikpritës Mali i Zi, organizoi ceremoni me rastin e 15-vjetorit të anëtarësimit në Komitetin Olimpik Ndërkombëtar, ku të pranishëm ishin edhe presidenti i EOC-ut, Spyros Capralos./FrontOnline/