Drejtori i Drejtorisë për Siguri dhe Emergjenca në Prishtinë, Lulzim Fushtica tha për “Front Online” se në bazë të të dhënave që ka nga Policia e Kosovës del se numri i armëve ilegale që kosovarët mbajnë në duar është rreth 300 mijë.

“Shifrat që i kemi marrë nga policia thonë se kemi një numër të madh të armëve në duart e të rinjve, një shqetësim për gjithë shoqërinë. Në bazë të statistikave nga Ministria e Brendshme rreth 300 mijë armë të zjarrit janë në duart e qytetarëve, jo të legalizuara”, tha Fushtica.

“Ajo që është thënë nga kolegët policorë, në kontrollat e vazhdueshme del që çdo i treti automjet që është ndal ka rezultuar me një lloj të armës: armë zjarri, thikë, boks hekri, stupc bejsbolli”, u shpreh tutje Fushtica.

I pyetur për rastin tragjik më Bon Vivant, ai ka thënë se do të mund të parandalohej.

“Çdo rast potencialisht mund të parandalohet. Tash pyetja që shtrohet është çka mund të bëjmë që te mos përseritet rasti. Rasti në Bon Vivant realisht ka ngrit alarmin tek gjitha institucionet, sic jeni në dijeni, kemi kërkuar takim me drejtorin e policisë rajonale dhe kryetari Përparim Rama ka kërkuar që të merren masa më rigoroze dhe të përshpejtohet procedura e krijimit të policisë së kryeqytetit”.

Drejtori për Siguri në kryeqytet kërkon të ashpërsohen dënimet ndaj atyre që kapën me armë

Drejtori i Drejtorisë për Siguri dhe Emergjenca në Prishtinë, Lulzim Fushtica ka kërkuar që të ashpërsohen dënimet ndaj qytetarëve që kapën me armë zjarri.

“Ministria e Brendshme ka pasë kampanja në tri a katër vitet e fundit për legalizim të armëve, por një prej arsyeve, është politika ndëshkuese, duhet forcohet hallka e bashkëpunimit mes policies – prokurorisë – gjykatës, që personat që kapën me armë të dënohen dhe jo të lirohen në procedurë të rregullt dhe të gjobiten me shuma parash”, potencoi Fushtica për “Front Online”.

Dënimi vec me gjobë, sipas tij, ka këtë efekt.

“I inkurajon të njëjtit që prapë ta përërisin veprën penale të armbajtjes. Politikat ndëshkuese ndaj shkelsëve te ligjit të forcohen dhe ketë koordinim ndërmjet të gjitha institucioneve”, pretendon Fushtica.

Fushtica: Policia e kryeqytetit të funksionalizohet, rrit sigurinë e shkurton afatin e reagimit

Më shumë se pesë vjet nga hyrja në fuqi e Ligjit për Prishtinën, kryeqyteti ende nuk e ka policinë komunale.

Drejtori i Drejtorisë për Siguri dhe Emergjenca në Prishtinë, Lulzim Fushtica po e kërkon funksionalizimin sa më të shpejtë të saj.

Thirrja e tij vjen në kohën kur në Prishtinë u vra brenda një lokali një person dhe u plagosën disa të tjerë.

“Policia e Kryeqytetit rrit sigurinë, ndjesinë e sigurisë, policia e ka mandatin vec per kryeqytet, bashkëpunon me institucionet, koordinohet më mirë dhe zinxhiri komandues i tri stacioneve ka një drejtor, rritet bashkëpunimi”, deklaroi Fushtica për “Front Online”.

Sipas Fushicës, me krijimin e policies komunale do të shihej hairi afatit të reagimit.

“Efikasiteti matet me kohën e reagimit. Me krijimin e policisë së kryeqytetit, afati i reagimit do të shkurtohet. Nuk e di tash sa është koha e raegimit”.

Ai premtoi se brenda një kohë të shkurte i gjithë kryeqyteti do të mbulohet nga kamerat.

“ Do të hapet tenderi për instalimin e kamerave, që parandalon aktet kriminale dhe lehtëson zgjidhjen e tyre, duke filluar prej vrasjeve, plagosjeve, kërcenimeve dhe problemeve në trafik”, potencoi Fushtica.