Drejtori i Klinikës së Biokimisë në Qendrën Klinike Universitare të Kosovës, Shemsi Veseli, në një intervistë për Front Online, ka thënë se është e pajustifikueshme që sektori privat të jetë më i përgatitur se ai publik.

Ai ka thënë se është e rëndësishme që të investohet në diagnostikë, e të lihen anash projektet tjera.

“Është e pajustifikueshme që sektori privat të jetë më i fortë se shteti. Shteti duhet të krijoj masë buxhetore e cila i krijon shërbimet elementare që duhet t’i jepen qytetarit të Kosovës”, ka thënë ai për Front Online.

Sipas tij, duhet të fitohet një tender për gjithë Shërbimin Spitalor Klinikë e Universitar i cili do t’i furnizonte me reagjentë, pasi aparaturat e nevojshme ata i kanë./Front Online/