Auto

Dorëzimi tek klientët i kamionit elektrik Tesla Semi fillon në fund të këtij viti

Dorëzimi tek klientët i kamionit elektrik Tesla Semi fillon në fund të këtij viti
15:00 | 13 Gusht 2022

Themeluesi dhe CEO i Tesla Motors, Elon Musk, ka konfirmuar se dërgesat e kamionit elektrik Tesla Semi do të fillojnë në fund të këtij viti.

Semi u prezantua në vitin 2017 kur u premtua se kompanitë do ta merrnin atë në vitin 2019, më pas premtimi u zhvendos në vitin 2020 dhe më pas në 2021. Megjithatë, ende nuk ka kamionë, dhe Musk tani pretendon se dërgesat e para për klientët priten deri në fund të vitit.

Përveç kësaj, Musk njoftoi se dërgesat e kamionçinës elektrike CyberTruck mund të priten në vitin 2023.

Kur bëhet fjalë për kamionin Semi, Musk i referohet një modeli me një distancë prej 800 kilometrash.

Prototipet e kamionit elektrik janë parë në rrugë dhe madje janë dorëzuar superngarkues në Laguna Seca Raceway. Rrjeti Tesla Megacharger filloi me katër njësi në Gigafactory në Nevada, ku prodhohen prototipe gjysmë kamionësh. Megangarkuesit janë instaluar gjithashtu në objektin Frito Lay në Modesto, Kaliforni.

Ka ende shumë të panjohura për kamionin Tesla Semi, kompania fillimisht tha se versioni me një distancë prej 800 km do të kushtojë 180,000 dollarë dhe versioni Founders Edition do të kushtojë deri në 200,000 dollarë. Kamioni thuhet se është në gjendje të përshpejtojë nga 0 në 100 km në 20 sekonda kur tërheq një ngarkesë që peshon më shumë se 36 tonë falë katër motorëve të veçantë në boshtet e pasme.

Ende nuk dihet se cilën bateri do të përdorë kamioni pasi dizajni i tij u konceptua në ditët e baterisë më të vjetër 2170 krahasuar me standardin e sotëm 4680./FrontOnline/

 

Menaxho shpenzimet dhe fito zbritje me aplikacionin e Petrol Company

Të tjera