Dogana e Kosovës sot ka kryer kontrolle në pesë barnatore nën dyshimin për barna të kontrabanduara.
Për këtë rast që në orët e paradites ka raportuar edhe FrontOnline.
Lajmin për FrontOnline e ka konfirmuar edhe zëdhënësi i Doganës së Kosovës, Adriatik Stavileci.
“Dogana e Kosovës me qëllim të zbatimit të ligjit, luftimit të kontrabandës dhe ekonomisë informale si dhe mbrojtjes së shëndetit ka organizuar kontrolle në 5 barnatore të ndryshme ku është gjetur një sasi e konsiderueshme e barnave të dyshimta si të kontrabanduara. Me këtë rast dhe me të gjeturat është njoftuar edhe Prokuroria Themelore në Prishtinë dhe tashmë kontrolli është duke u vazhduar me mandat të Prokurorisë dhe Gjykatës dhe është zgjeruar edhe në objektet përcjellëse të këtyre barnatoreve”, ka thënë Stavileci.
Sipas tij, kontrollet janë duke u zhvilluar akoma./FrontOnline/