Front TV

Dogana kthen mbrapsht 50 mijë maska nga Kina, ministri tregon arsyen e vërtetë

Dogana kthen mbrapsht 50 mijë maska nga Kina, ministri tregon arsyen e vërtetë
20:28 | 05 Gusht 2020

Pavarësisht që një ndër tri rregullat për mbrojtje nga Covid-19, është vendosja e maskës, së fundmi Dogana e Kosovës ka kthyer mbrapsht 50 mijë maska me vend origjine Kinën, që për destinacion kishin tregun kosovar.

Ministri i Tregtisë dhe Industrisë, Vesel Krasniqi ka thënë për Front Online, që arsyeja e kthimit mbrapsht të këtyre maskave është mungesa e testit për cilësinë e tyre.

“Ne kemi inspektuar jo 500 por 50 mijë maska. I kemi bllokuar që të mos futen në tregun tonë për shkak që nuk kanë pasur test. Ato kanë qenë me origjinë nga Kina. Për këtë arsye edhe jemi çdo ditë në terren dhe në ditët në vijim presim masa edhe më të shtuara për sa i përket cilësisë së maskave”, ka thënë ministri për Front Online.

Shefi i MTI-së, për Front Online ka thënë që nga Dogana e Kosovës është kërkuar që të mos lejohen që të futen në Kosovë maska pa teste.

Masat ndaj Covid-19, mbyllen 20 lokale dhe shqiptohen 30 gjoba ndaj bizneseve

“Ne kemi kërkuar përmes Doganës që të mos lejohet që të futen maska të cilat nuk e kanë testin dhe në këtë aspekt ne kemi ngritur dyshimet tona më herët, kemi inspektuar dhe kemi verifikuar dhe kanë dal që nuk janë të përshtatshme për tregun tonë dhe për qytetarët”, ka thënë ai.

E për verifikimin e cilësisë së maskave dhe mjeteve tjera, Kosova nuk ka laboratorë.

“Nuk kemi laboratorë këtu në Kosovë, por kemi në shtetet fqinje”, ka thënë Krasniqi për Fron Online.

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Të tjera