Këshilltari i u.d të presidentit, Vjosa Osmanit, Artan Murati ka reaguar pas lajmit se djali i deputetit të AAK-së, Haxhi Shalës është emëruar konsull në Pragë.

Murati thotë se misionet diplomatike dhe konsullore janë pasqyrë e një shteti.

“Për të forcuar subjektivitetin ndërkombëtar të vendit, e për t’u ballafaquar me sfida nga me të ndryshmet në diplomaci, kundrejt sulmeve të vazhdueshme në shumë fronte nga shtete që kundërshtojnë ekzistencën tonë, duhet mbi të gjitha dije e profesionalizëm”, thotë ai.

Këshilltari i Osmanit thotë se kjo nuk është e mundur nëse nëpërkëmben profesionistët.

Diplomacia “kry’ per kry’” nuk i bën nder askujt, e sidomos jo shtetit të Kosovës. Kjo praktikë është e pa tolerueshme, dhe nuk do të lejohet e as përkrahet në asnjë rrethanë”, ka shtuar ai.

Mbrëmë është bërë e ditur se djali i deputetit të AAK-së, Haxhi Shalës, Flakron Shala është emëruar konsull në Pragë.

Pas këtij lajmi ka pasur reagime të shumta, derisa deri më tani deputeti Shala ka zgjedhur heshtjen./FrontOnline/

https://www.facebook.com/muratiartan/posts/10222174124437150