Kryetari i Aleancës për Ardhmërinë e Kosovës, Ramush Haradinaj, ka kujtuar të rënët për lirinë e atdheut në Ditën e Dëshmorëve dhe Martirëve të Deçanit.

Haradinaj po ashtu ka kujtuar veprimtarin e çështjes kombëtare dhe prijësin e Çetës së Llapit, heroin Ali Ajeti.

“Në përvjetorin e rënies kujtojmë me pietet veprimtarin e çështjes kombëtare dhe prijësin e “Çetës së Llapit”, heroin Ali Ajeti, i cili një jetë të tërë, deri në flijim, duke u shndërruar në frymëzim të luftës kundër pushtuesit”, është shprehur Haradinaj.

Sipas Haradinajt, Deçani ishte ndër të parat treva që pësoi nga armiku.

“Deçani ishte i pari në shumë procese ndër etapa historike për atdheun. Ishte ndër trevat e para që pësoi nga dora e agresorit të egër. Sot, i ringritur dhe duke u zhvilluar vazhdimisht, pavarësisht sfidave. Në Ditën e Dëshmorëve dhe Martirëve të Deçanit, nderuam sakrificën e tyre sublime për liri”

“Përgjithmonë mirënjohës dhe falënderues sakrificës së të rënëve për lirinë e atdheut”, ka përfunduar Haradinaj.