Disa truke psikologjike që do t’ju ndihmojnë t’i lexoni njerëzit si një ‘libër i hapur’

Ju ndoshta keni menduar se si do të ishin gjërat nëse do të mund të lexonit mendjet e njerëzve të tjerë. Disa njerëz përdorin intuitën e tyre për këtë, por nëse nuk jeni aq perceptues, ju mbetet vetëm një zgjedhje: të mësoni të lexoni gjuhën e trupit të njerëzve.

Është një fakt i njohur që marrim një pjesë të madhe të informacionit përmes komunikimit joverbal. Allan Pease, një ekspert australian për gjuhët e trupit, thotë se mimika, gjestet dhe lëvizjet e tjera të trupit mund të demaskojnë një person dhe t’ju tregojnë se çfarë mendon apo ndihet me të vërtetë, shkruan abcnews.al.

Bright Side ka renditur disa truke që duhet t’i dini për të ‘kapur’ sinjalet’ që njerëzit shpesh iu dërgojnë përmes shenjave të trupit.

Mbyllja e syve

Nëse një person kur po flet me ju dhe mbyll sytë, duhet të dini se ata po përpiqen të fshihen nga bota e jashtme. Nuk do të thotë që personi ka frikë nga ju. Përkundrazi, ata po përpiqen të shpëtojnë prej jush sepse mund të lodhen nga ju.

Mbulimi i gojës me njërën dorë

Mbajtja e dorës përpara gojës, na ndihmon të mos lëshojmë fjalët që nuk duam të themi. Ndonjëherë ky gjest zëvendësohet me kollitjen e rreme.

Prezantimi i fytyrës

Në përgjithësi, ky gjest përdoret për tërheqjen e njerëzve të seksit të kundërt. Kur mbajmë duart tek mjekra, ne nëpërmjet fytyrës përpiqemi të themi, “Ky jam unë”. Burrat duhet ta mësojnë përmendsh këtë gjest për të kapur momentin dhe të japin një kompliment në kohën e duhur.

Fërkimi i mjekrës

Kjo është ajo që bëjnë njerëzit kur përpiqen të marrin një vendim sepse janë në mendime të thella.

Kryqëzimi i duarve

Ne shpesh e përdorim këtë gjest kur jemi irrituar nga diçka. Krahët e kryqëzuar janë një shenjë e qartë që një person nuk po ndihet mirë me diçka.

Kur përkulen përpara

Kur njerëzit pëlqejnë dikë dhe duan të krijojnë kontakte me ta, ata zakonisht përkulen përpara. Në këtë pozicion, këmbët mund të jenë të palëvizshme, por trupi lëviz përpara intuitivisht.

Kur mbështeten prapa

Nëse dikush mbështetet në pjesën e pasme të karriges së tyre, ata tregojnë se janë lodhur nga biseda. Ndoshta nuk ndihen mirë në prani të personit tjetër.

Fërkimi i duarve

Besohet se duart transmetojnë atë që një person po mendon. Ne e bëjmë këtë kur jemi duke menduar për disa përfitime që pritet të na vijnë në të ardhmen.

Shtrëngimi i duarve

Nëse një person jua shtrëngon dorën tuaj, ata po tregojnë se mund t’ju besoni.

Prekja tek krahu

Njerëzit ndonjëherë mund të prekin parakrahun, bërrylin ose pjesën e pasme të personit tjetër. Kjo do të thotë që personit i mungon komunikimi. Sa më i afërt të jetë prekja, aq më shumë personi ka nevojë për shoqëri.

Kur luan me këpucën

Këmbët e kryqëzuara janë një nga pozicionet më tërheqëse femërore. Dhe nëse një grua po luan me këpucën e saj, ajo po përpiqet të tërheq vëmendjen tuaj.

Kontakti me sy

Sytë janë dritaret për shpirtin dhe gjithashtu një mënyrë e shkëlqyeshme për të komunikuar.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Sponsoruar