Persona të panjohur kanë djegur mbrëmë dy kamionë një në Zubin Potok dhe një në Mitrovicën e Veriut.
Sipas Policisë, persona të pa njohur në Zubin Potok i kanë vënë zjarrin kamionit të ankuesit, i cili ishte i parkuar para shtëpisë.
Zjarrfikësit kanë arritur ta shuajnë zjarrin.
Nga zjarri janë dëmtuar edhe dy vetura që ishin të parkuar afër kamionit.
Rasti është duke u hetuar.
Ndërkaq, në Mitrovicën e veriut, ankuesi mashkull kosovar ka informuar se persona të panjohur i kanë vënë zjarrin kamionit dhe veturës së tij.
Zjarrfikësit kanë shuar zjarrin.
Njësia policore është duke hetuar rastin, njofton raporti 24 orësh i policisë .