Tre automjete u përfshinë nga flakët në parkimin e jashtëm të një qendre tregtare në lagjen “Çlirimi” në Lushnje.
Sipas policisë, zjarri ka rënë rreth orës 03:15, në automjetin tip “Benz” në pronësi të shtetasit me iniciale N. K. Shkak për këtë dyshohet si pasojë e një shkëndijë elektrike në automjet.
Për pasojë janë djegur edhe automjetet tip “Audi” dhe “Fiat” të parkuar pranë automjetit tip “Benz”.
Në vendngjarje kanë shkuar shërbimet e policisë dhe zjarrfikësja, të cilët kanë bërë të mundur shuarjen e flakëve.
