Dhunë psikologjike nga shokët, 23-vjeçari i jep fund jetës në lule të rinisë, hidhet me makinë në det

Ngjarja e rëndë ka ndodhur në zonën e Agios Konstantinos në Kefalonia, ku 23-vjeçari Kyriakos Evangelatos, i ka dhënë fund jetës duke u hedhur me makinën e tij në det.

Familja e të riut kanë denoncuar duke thënë se djali i tij është ngacmuar dhe bullizuar gjatë kohës që ishte ushtar në Patra.

“Djali im i dha fund jetës. Unë e dërgova për t’i shërbyer atdheut. Unë e nxita atë sepse mendova se ishte gjëja e duhur për të bërë. Fatkeqësisht, kudo që shkoi, ai iu nënshtrua një dhune të pabesueshme psikologjike nga ushtarët dhe oficerët e rangut të lartë. Të gjithë do të paguajnë, sepse nuk dua që fëmijët e tjerë të vuaj dhe familjarët të vajtojnë për fëmijët e humbur. Sepse asnjë prind nuk e meriton këtë gjë,” u shpreh babai i 23-vjeçarit.

I riu kishte marrë lejen 7 ditorë në ushtri, ndërsa ditën e tretë të lejes i ka dhënë fund jetës.