Në qendrën “BlissVille” në Prishtinë,  e destinuar për argëtim të fëmijëve, ka shpërthyer një bombol gazi.

Si pasojë, 12 persona kanë pësuar lëndime.

Të gjithë të lënduarit, siç mëson Front Online nga burime të veta, janë persona të moshës së rritur dhe nuk ka fëmijë mes tyre.

Kjo për faktin se qendra në fjalë nuk është hapur akoma për të vegjlitë.

Aty ishin duke u bërë vetëm disa parapërgatitje përfundimtare.

Ndodhinë e ka konfirmuar  më herët për Front Online, Flora Ahmeti, zëdhënëse e policisë.

“Sot rreth orës 12:00 brenda një objekti në rrugën Prishtinë –Ferizaj, ka ndodhur një shpërthim( dyshohet bombolë gasi). Bazuar në të dhënat e deritanishme dyshohet se në këtë rast janë lënduar 12 persona, të njëjtit janë dërguar për trajtim mjekësor në Qendrën Emergjente në Prishtinë”, ka thënë ajo.