Komisioni Hetimor Parlamentar lidhur me procesin e privatizimit në Kosovë ka vazhduar punën e tij.
Sot para kësaj trupe është paraparë të raprtojë Blerim Devolli, pronar i kompanisë “Devolli Group” dhe Arian Hasani, blerës i Fabrikës së Gypave, Ferizaj.
Por që të dy nuk e kanë konfirmuar pjesëmarrjen dhe nuk janë paraqitur fare sot për intervistim këtu.
Megjithatë sekretaria e Kuvendit nuk dihet nëse ua ka dërguar ftesën në adresën e saktë.
Kështu ka thënë zv/kryesuesi i komisionit, Gazmend Bytyçi.
Të dy pritet të ftohen për intervistim për ndonjë ditë tjetër.
Në Komisionin Hetimor Parlamentar lidhur me procesin e privatizimit në Kosovë raporton Skënder Hasani, Kryesues i Njësisë së Monitorimit për Kontroll dhe Administrim Direkt në AKP.