Ekonomi

Dështimi kapital i Qeverisë “Kurti”/ Për 9 muaj veç 158 milionë € investime kapitale

Dështimi kapital i Qeverisë “Kurti”/ Për 9 muaj veç 158 milionë € investime kapitale
19:29 | 17 Nëntor 2022

Kuvendi i Kosovës që udhëhiqet nga Glauk Konjufca dhe Ministria e Zhvillimit Rajonal, e cila udhëhiqet nga Fikrim Damka, nga janari deri në shtator 2022 nuk e kanë shpenzuar asnjë cent në kategorinë e investimeve kapitale, ndonëse buxheti i tyre i planifikuar në këtë kategori ka qenë milionësh, raporton portali Front Online.

Hiç më mirë se Konjufca dhe Damka nuk i kanë punët as komplet kabineti qeveritar, ku shumica e Ministrive nuk e kanë shpenzuar as 10 për qind të buxhetit të planifikuar për investime kapitale, ndonëse deri më tani do të duhej ta shpenzonin për shumë se 50 për qind të buxhetit.

Sipas raportit nëntë mujor financiar të Ministrisë së Financave dhe Transfereve , për periudhën janar-shtator 2022 shteti i Kosovës ka shpenzuar veç 158 milionë euro investime kapitale.

Sipas Ministrisë së Financave shpenzimet kapitale sivjet janë shumë më pak se vitin paraprak, duke u arsyetuar se dinamika më e ulët është edhe si rezultat i ngadalësimit të punëve nga ana e operatorëve ekonomikë për shkak të rritjes së çmimeve të materialit ndërtimor dhe faktorëve të ndërlidhur me të, raporton Front Online.

Shpenzimet e institucioneve në kategorinë e Investimeve kapitale:

Kuvendi 0%

Zyra e Presidentit 0%

Zyra e Kryeministrit 22%

Ministria e Financave, Punës dhe Transfereve 6%

Ministria e Bujqësisë Pylltarisë dhe Zhvillimit Rural 29%

Ministria e Mjedisit,Planifikimit Hapë dhe Infrastr. 27%

Ministria e Shëndetësisë 6%

Ministria e Kulturës Rinisë dhe Sportit 13%

Ministria e Arsimit Shkencës Teknolo. dhe Inovac. 20%

Ministria për Komunitete dhe Kthim 39%

Ministria e Administrimit të Pushtetit Lokal 1%

Ministria e Ekonomisë 13%

Ministria e Punëve të Brendshme 19%

Ministria e Drejtësisë 21%

Ministria e Punëve të Jashtme dhe Diaspora 42%

Ministria e Mbrojtjes 15%

Ministria e Zhvillimit Rajonal 0%

Shërbimi Spitalor Klinik Universitar i Kosovës 14%

Ambasadorja e parë e Izraelit në Kosovë, e impresionuar me punën në Comodita

Të tjera