[wp-story]

Front TV

Deputetja e VV-së: Vjosa garon me ne në listë

Deputetja e VV-së: Vjosa garon me ne në listë
19:26 | 11 Janar 2021

E qartë është se do të garojë me 110 kandidatë për deputetë në zgjedhjet e 14 shkurtit.

Por, me gjasë jo të gjithë emrat në listën e Vetëvendosjes, do të jenë vetëm nga kjo parti.

 

Shumë shpejt, asaj, pritet t’i bashkohet edhe Vjosa Osmani.

“Bashkëpunimi pritet të konkretizohet ditëve në vijim me Osmanin. Kështu që nëse Vjosa Osmani i bashkohet VV-së nuk do të shkrihet brenda listës sone, thjesht, gjen vend në 110-shin e VV-së me aq numra sa dakordohet brenda organeve të Lëvizjes”, u shpreh Arbresha Kryeziu, nga Vetëvendosje.

Osmani e Kurti kanë edhe 5 ditë kohë për ta arritur këtë ujdi, meqë 16 janari është afati i fundit kur partitë duhet të dërgojnë në KQZ listën me emrat e pretendentëve që duan të bëhen ligjëvënës.

80 nga 110 veta sa synojnë këtë nga lista e tyre, Arbresha Kryeziu e Vetëvendosjes është e bindur se do të arrijnë të futen në Kuvend.

 

“Të themi të drejtën po synojmë 2/3. Qytetarët janë ata që do të tregojnë se sa deputetë do të ketë grupi parlamentar i Lëvizjes Vetëvendosje”, thotë ajo.

Kjo shumicë është e mjaftueshme për zgjedhjen e Presidentit në prill.

Por, si do të rrjedhin gjërat nëse Lëvizjes nuk i dalin kështu parashikimet për 2/3 e votave pas 14 shkurtit?

Kështu që kur te vjen radha të flasim për postin e Presidentit ky do të jetë një vendim tjetër që do të merret në organet e VV-së në bashkëpunim edhe me grupin parlamentar”, theksoi ajo për Front Online. 

E ka diçka që në Vetëvendosje nuk po pajtohen asesi.

Bëhet fjalë për një deklaratë të ish-ambasadorit amerikan në Kosovë, Greg Delawie, i cili trazirat në Capitol i lidhi me ngjarjet që ndodhën në Kuvend, me 2015, në Kosovë me Vetëvendosjen që hidhte gaz lotësjellës në seanca.

“Sigurisht që është i gabum. Ka dallime shumë të mëdha. Ata nuk kanë hy me mbrojt tokën e vete. Kanë hy me mbrojt interesa të caktuara të një presidenti që nuk po është i gatshëm ta pranojë votën prej populli dhe senati”, theksoi ajo.

 

Kryeziu me bindje të plotë thotë se partitë e tjera politike po garojnë për vendet e tjera, ngase Vetëvendosje do të dalë, sipas saj, e para në zgjedhje.

 

“Graniti” hap showroom-in e dytë në Prishtinë (VIDEO)

Të tjera