Lajme

Deputeti Syla krahason Lajçakun me Ban Ki Moonin

Deputeti Syla krahason Lajçakun me Ban Ki Moonin
14:40 | 31 Korrik 2020
Deputeti Syla krahason Lajçakun me Ban Ki Moonin
Deputeti i AAK-së, Gazmend Syla, ka krahasuar emisarin e BE-së për dialogun Kosovë – Serbi me ish-Sekretarin e Përgjithshëm të OKB-së, Ban Ki Moon.
Ban Ki Moon kishte propozuar 6 pika për Kosovën dikur, ndërsa tashmë edhe Lajçak ka ardhur me “plan 9-pikësh”:
Kjo ka bërë që Syla të reagojë ashpër, duke thënë se Kosova është shtet i pavarur dhe se negocimi për ndryshimin e Kosovës së 17 shkurtit është humbje kohe.
“Z. Lajçak-Moon, ka kaluar koha e pikave. Kosova është shtet i pavarur, ka institucionet e veta, ka një kushtetutë prej më të avancuara në botë sa i përket respektimit të minoriteteve. Asociacioni i komunave që ju i referoheni, e ka marrë përgjigjien kushtetuese”, është shprehur Syla.
“Ju mund të negocioni me kënd të doni e për çfarë të doni, por negocimi për ndryshimin e Kosovës së 17 shkurtit, është humbje kohe, ashtu siç keni humbur kohë 10 vite negociata e marrëveshje të kota që nuk gjejnë zbatim praktik”, ka shtuar ai.

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Të tjera