Një veturë goditi një grup njerëzish në zonën për këmbësorë të Trier të Gjermanisë, duke lënë dy të vdekur dhe të paktën 15 të plagosur. Policia arrestoi drejtuesen e veturës menjëherë pas incidentit, e cila është një grua, sipas mediave gjermane.
Një dëshmitar raportoi se pa veturën duke lëvizur me shpejtësi të madhe, duke u futur mes turmës me njerëz dhe duke përplasur këmbësorët në ajër pranë zonës së përdorur tradicionalisht për tregjet e Krishtlindjeve, të cilat do të jenë të mbyllura këtë vit për shkak të pandemisë Covid 19.
Zona është izoluar menjëherë nga policia.
“Ne arrestuam një person dhe automjeti u konfiskua. Sipas hetimeve fillestare, dy persona humbën jetën. Ju lutemi vazhdoni të shmangni qendrën e qytetit”, shkroi policia e Trierit në Twitter.
Sipas Bild, e cila citon gazetën lokale “Trierischer Volksfreund”, vetura që hyri në turmë është një “Range Rover” ngjyrë e errët.
?? #ULTIMAHORA un conductor arrasa en una calle peatonal y mata a al menos dos personas en la localidad alemana de ?Trier
Arresto del conductor en Trier??pic.twitter.com/zJprHfVdG7
— Rafael Yuste!? (@Rayusmu) December 1, 2020
Dëshmitarët tregojnë për njerëzit që “fluturonin në ajër”.
Dyshimet e para janë për një akt terrorist, por policia deri tani nuk ka dalë me një qëndrim zyrtar.
