×
  • Bota/Rajoni
  • Bota/Rajoni

    Covidi gjallërohet në Azi

    FrontOnline
    16 Qershor 2020

    Ndërsa Europa dhe vendet e Amerikës Latine fillojnë heqjen e masave të karantinës, në Azi po tentohet të izolohet përhapja e infeksionit të koronavirusit. Azia, Japonia, Singapori dhe Koreja e Jugut janë disa nga shtetet që i druhen rikthimit të epidemisë vdekjeprurëse.

    Shumica e vendeve aziatike po raportojnë përditë e më shumë raste të reja me koronavirus, duke konfirmuar se emergjenca pandemike globale nuk do ketë të ndalur as këtë fillimverë.

    Zelanda e Re njoftoi të martën për dy raste infeksioni me Covidin e ri pasi prej javësh vendi kishte shpallur fitoren ndaj pandemisë.

    Dy gratë mes të tridhjetave dhe dyzetave kishin ardhur nga Britania e Madhe për të ngushëlluar një të afërmin e tyre që kishte ndërruar jetë, dhe me këtë motivacion i kishin shpëtuar karantinës së detyrueshme dyjavore që aplikojnë autoritetet zelandeze për udhëtarët e huaj.

    “Nuk shpresonim që të kishim raste të reja, por është diçka që e prisnim dhe jemi të përgatitur. Dy gratë vepruan ashtu siç iu kërkua, duke u testuar pas udhëtimit të tyre, por nga sot do sigurohemi që askush të mos lirohet nga karantina pa u analizuar dhe pa dalë negativ me Covid.”

    Në Kinë, ndërkohë, dikur epiqendra fillestare e epidemisë vdekjeprurëse, autoritetet konfirmuan 40 raste të reja të infeksionit me koronavirus, 27 prej tyre vetëm në kryeqytet.

    Që nga e premtja e kaluar, vendi ka raportuar mbi 107 persona të infektuar.

    Infeksioni mendohet se është shpërndarë më së shumti nga një treg shumice të fruta-perimeve dhe mishit e peshkut në Pekin.

    Analizat laboratorike tregojnë se virusi mund të jetë importuar nga jashtë, thotë një ekspert kinez.

    “Epidemia duket se lidhet me produktet si mishi apo peshqit. Ai lloj mjedisi në treg, veçanërisht i ftohtë, duket se e mban gjallë virusin për një kohë më të gjatë. Ne e kemi izoluar informacionin gjenetik të virusit dhe na del se ai është i ndryshëm nga dy muaj më parë. Duket qartë se është shpërndarë nga vendet europiane, ndoshta nga SHBA-ja apo Rusia. Ky nuk është kinez.”

    Për të ndalur përhapjen e infeksionit, Kina ka urdhëruar ndalimin e personave që konsiderohen të rrezikshëm që ata të mos udhëtojnë jashtë Pekinit, si vatër e re e epidemisë.

    Koreja e Jugut gjithashtu po përballet me një numër rastesh në rritje të koronavirusit, 34 të infektuar të rinj vetëm të martën dhe shumica në zonat e populluara të kryeqytetit Seul.

    27 raste të reja raportoi edhe Japonia në 24 orët e fundit, Filipinet shtynë deri më 30 qershor karantinën e përgjithshme, 214 raste të reja brenda ditës njoftoi edhe Singapori, ndërkohë që në tërë botën numri i bartësve të infeksionit arriti mbi 8 milionë, dhe mbi 430 mijë janë viktimat.

    KEDS njofton se këto vende do të mbesin pa rrymë
    Nga Rubrika
    Bota/Rajoni28 Mars 2024
    EMSC njoftoi se të mërkurën në mbrëmje, rreth orës 22:19, veriu i Italisë u godit nga një tërmet i fortë. Sipas njoftimit...
    Bota/Rajoni28 Mars 2024
    Mashtrimi i nxitur nga trafikimi i qenieve njerëzore po shpërthen në Azinë Juglindore me rrjetet e krimit të organizuar që grumbullojnë rreth...
    Bota/Rajoni28 Mars 2024
    Ka ndërruar jetë sot në moshën 82-vjeçare ish-senatori amerikan, Joe Lieberman, i cili para gati dy dekadave kishte vizituar Kosovën. Ai ishte...
    Të tjera
    Lajme28 Mars 2024
    Partia Demokratike e Kosovës tanimë ka propozuar 9 Qershorin, si datë për zgjedhje të parakohshme në vend. Shefi i grupit parlamentar të...
    Vip28 Mars 2024
    Këngëtari dhe moderatori, Robert Berisha ka treguar aftësi edhe si fermer shumë i mirë. Ai së fundi është bërë pjesë e “Ferma...
    Lajme28 Mars 2024
    Në mungesë kuorumi, Kuvendi i Kosovës ka dështuar të miratojë themelimin e komisionit hetimor parlamentar për tenderët njëburimorë. Në sallë ishin të...
    Opinione28 Mars 2024
    Nga: Albert Prenkaj Situata e re e krijuar me inkursionin ushtarak rus në Ukrainë dhe mundësia e derdhjes së konfliktit në Ballkan...
    Bota/Rajoni28 Mars 2024
    EMSC njoftoi se të mërkurën në mbrëmje, rreth orës 22:19, veriu i Italisë u godit nga një tërmet i fortë. Sipas njoftimit...
    Vip28 Mars 2024
    Aludimet se banorët e BBV3 komunikojnë me të afërmit e tyre jashtë po shtohen dita ditës. Para pak kohësh, një video virale...

    FrontOnline, © 2024 Të gjitha të drejtat e rezervuara.