Coronavirusi “kap” kryeministrinë dhe Ministrinë e Financave në Shqipëri

Koronavirusi po përhapet në institucionet më të larta të Shqipërisë.

Neës24 raporton se janë konfirmuar me Covid dy persona që punojnë në kryeministri. Dy personat në fjalë janë punonjës të Gardës së Republikës, e njëri prej tyre qëndron pikërisht në hyrje të godinës së qeverisë.

Ndërkohë, një tjetër rast është konfirmuar në Ministrinë e Financave.

Kujtojmë se këtë të martë të njëjtin lajm përcolli edhe ish deputeti i PD-së Bardh Spahia, i cili deklaroi se në kryeministri po bëhen gati teste masive për punonjësit dhe se pavarësisht konfirmimit të rasteve pozitive, qeveria ka tentuar ta mbajë të fshehtë ngjarjen.

Këtë të martë u raportua nga Ministria e Shëndetësisë për 82 raste të reja me koronavirus në 24 orët e fundit, ndër të cilat 28 ndodheshin në Tiranë.

Ndërkohë në spitalin e infektivit numri i të shtruarve është rritur ditët e fundit për shkak rasteve të shumta. Në të tilla kushte, qeveria ka marrë masa dhe është pajisur dhe me 30 respiratorë të rinj në spitalin infektiv

“Petrol Company” në natën e “Kurban Bajramit” e bën me shtëpi të re familjen nga Skenderaj

Sponsoruar