[wp-story]

Front TV

Çka ka ndodhur me 2.1 milionë € e vjedhura nga Thesari? Flet zv/ministri i Financave

Çka ka ndodhur me 2.1 milionë € e vjedhura nga Thesari? Flet zv/ministri i Financave
17:33 | 31 Dhjetor 2020

Mjekët, policët e mësimdhënësit po.

E hairin, miratimit të buxhetit për vitin 2021, pos tyre do t`ia shohë edhe një kategori tjetër.

Ata që humbën vendin e tyre të punësnë tre muajt e fundit: tetor, nëntor dhe dhjetor – shkaku i pandemisë do të paguhen me nga 300 euro për 3 muaj radhazi.

Implementimi i pagesave pritet të ndodh tek në shkurt të vitit të ardhshëm, meqë Ministrisë së Financave, i kanë mbetur edhe disa punë për t`i kryer.

“Besoj që në muajin Janar do të punojmëintensivisht që të saktësojmë kriteret dhe numrin e atyre që e kanë humbur vendin e punës.Në mënyrë që në shkurt të jemi tëgatshëm ta ekzekutojmë dhe përmbushim këtë dispozitë ligjore”, u shpreh zv/ministri i Financave, Kushtrim Brahimaj.

Ndihmë në kuadër të Ligjit për Rimëkëmbje Ekonomike është paraparë edhe për bizneset që pësuan gjatë pandemisë.

Veçse edhe këto të fundit do të duhet të presin.

Zëvendësministri i Financave, Kushtrim Brahimaj, tregon arsyen.

“Tash nuk mund të flasim për buxhetin e vitit 2021. Edhe ashtu ligjërisht nuk guxojmë ta shpenzojmë buxhetin e vitit 2021 në vitin 2020”, u shpreh ai për Front Online.

E ka diçka që nuk varet më nga Ministria e Financave.

Nga ky dikaster thonë se rasti i vjedhjes dhe rikthimit të mbi 2 milionë eurove nga Thesari i Shtetit është lënë krejtësisht në duart e drejtësisë.

“Faktikisht nuk është kthyer asnjë. Ka bllokadë të mjeteve aty ku kanë qenë dhe ato mjete pasi të kryhen procedurat dhe pasi që të ketë një vendim gjyqësor mund të kthehen në thesar”, tregoi zv/ministri Brahimaj për Front Online.

Nga Ministria thanë se organet kompetente po merret intensivisht me zbardhjen e kësaj vjedhjeje.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera