Nevojiten më së paku edhe pesë vite në mënyrë që të eliminohet problemi i energjisë në Kosovë.

Kështu thotë në një intervistë për FrontOnline, ish-ministri Ethem Çeku.

Ndërsa, tregon se cilat janë alternativat.

“Duhet të kryhet një studim i thellë te blloqet e Kosovës A, janë pesë blloqe, janë të dizajnuara për 800 megavat duhet të bëhet një studim mos t’i lëm deklarata politike, mos të bëhen lojëra në këtë drejtim, duhet të kryhet një studim i thellë , dhe në qoftë se studimi na jep që ato blloqe mund të bëjnë investim të madh dhe mund të kthehen në prodhues të mirë të energjisë të ndërpriten investimet kapitale në infrastrukturë apo dikund tjetër, të shtrëngohet buxheti i Kosovës dhe të derdhet një pjesë e buxhetit për të rehabilituar blloqet e Kosovës A”, tha ai.

Paralajmëron ish-ministri: Kosova mund të zhytet edhe më thellë në krizë energjetike

Sipas tij, ekziston edhe një alternativë tjetër për të dalë nga kjo krizë, bashkëpunimi me Shqipërinë.

“Alternativë tjetër është ta shohim Shqipërinë. Investimet e përbashkëta me Shqipërinë në sektorin energjetik për arsye se edhe Shqipëria shpenzon mjete financiare për blerjen e energjisë edhe pse ata shpejtë do të lirohen nga ky problem sepse e kanë pranu gazin dhe mund ta zgjidhin problemin e kësaj çështje”, është shprehur ndër të tjera Çeku.