Nënkampionia e Kosovës, Drita e Gjilanit ndodhet në Holandë për ta shkruar historinë.

Klubi gjilanas ka arritur në mëngjesin e sotëm në Rotterdam, derisa skuadra është vendosur në “Novotel Hotel Rotterdam”, shkruan FrontOnline.

Ndeshja e kthimit mes Feyenoordit dhe Dritës do të luhet në “De Kuip”, teksa ndeshja e parë u mbyll baras 0:0 në Prishtinë.

UEFA tashmë ka caktuar gjyqtarët e këtij takimi në Rotterdam.

Ndeshja në fjalë i është besuar gjyqtarit norvegjez, Espen Eskas me ndihmësit e tij, Kim Thomas Haglund dhe Oystein Ytterland.

Ndërkaq, gjyqtar i katërt do të jetë Rohit Saggi.

Ndryshe, ndeshja në fjalë do të zhvillohet nesër në mbrëmje nga ora 20:00./FrontOnline/