Sot pasdite u raportuar për një “letër-bombë” në ambasadën amerikane në Madrid.
Autoritetet spanjolle tani kanë konfirmuar se ekspertët e asgjësimit të bombave kanë çaktivizuar “letër bombën” – pajisja e gjashtë e tillë që u dërgohet objektivave në Spanjë.
Një punëtor u plagos dje në ambasadën e Ukrainës në Madrid, kur ai kishte marrë një letër që përmbante një mjet të vogël shpërthyes, raporton skynews.
Që atëherë, letra të ngjashme i janë dërguar ministrisë së mbrojtjes, një baze të forcave ajrore dhe një prodhuesi armësh.
Një paketë iu dërgua gjithashtu kryeministrit spanjoll, Pedro Sanchez më 24 nëntor, megjithëse u çaktivizua nga ekipi i sigurisë.
Ministrja e mbrojtjes e Spanjës, Margarita Robles, e cila po vizitonte sot qytetin port ukrainas të Odesës, tha se letrat bomba nuk do ta pengonin vendin e saj të mbështeste “kauzën e drejtë” të Ukrainës.
“Ajo që duhet të jetë shumë e qartë është se asnjë nga këto dërgesa apo ndonjë veprim tjetër i dhunshëm nuk do të ndryshojë angazhimin e qartë dhe të vendosur të Spanjës, vendeve të NATO-s dhe Bashkimit Evropian për të mbështetur Ukrainën”, tha ajo.
🔴 Desalojan la Embajada estadounidense. Protocolo antiterrorista. Cuenta @manumarlasca que se ha interceptado una sexta carta explosiva. Estamos en directo en @laSextaTV pic.twitter.com/i9cF5JM5QV
— Sara Rincón (@sararincon02) December 1, 2022
