Për dallim nga disa javë më parë ku numri i rasteve pozitive me Covid-19 arrinte shifër alarmante, në javën e fundit situata duket më e qetë.
Kështu të paktën vërehet nga të dhënat e Ministrisë së Shëndetësisë, ku brenda 24 orëve nga 5 mijë e 095 testime, 173 qytetarë kanë rezultuar pozitiv me virusin COVID-19, derisa janë shënuar 7 raste të vdekjes.
Ndërsa brenda katër ditëve numri i rasteve pozitive ka arritur në 653.
Në Kosovë numri i rasteve aktive është 7 mijë e 635.
Kujtojmë se vaksinimi në Kosovë është duke vazhduar, ku prej fillimit të vaksinimit në të gjitha qytetet e Kosovës janë dhënë 1.193.786 doza të vaksinës.
https://www.facebook.com/IKSHPK/posts/4123714854423154
