[wp-story]

Lajme

“Bregu i Diellit”, pa energji elektrike që 12 orë

“Bregu i Diellit”, pa energji elektrike që 12 orë
10:07 | 21 Nëntor 2020

Që pas orës 22:30 të së premtes banorët e lagjes “Bregu i Diellit” kanë mbetur pa energji elektrike.

Sipas zëdhënësit të KEDS-it, Viktor Buzhala, kjo pjesë e Prishtinës ka mbetur në terr tash për më shumë se 12 orë për shkak të një defekti.

“Ka defekt. KEDS është duke e bërë maksimumin për t’i furnizuar konsumatorët me energji elektrike të asaj pjese. Por, në momentin kur po lëshohet po reagon trafo e KOSTT-it”, ka thënë Buzhala për KOHËN.

Probleme me energjinë elektrike janë detektuar vetëm në atë lagje të kryeqytetit sipas Buzhalës, teksa ekipet ende po qëndrojnë në vendin e defektit.

“Shpresojmë së shpejti”, është përgjigjur ai për kohën se kur mund të rregullohet problemi dhe të rikthehet energjia elektrike.

“Ekipet kanë qëndruar aty gjatë gjithë natës dhe vazhdojnë të jenë aty duke e bërë maksimumin që të rikthehet sa më shpejtë të jetë e mundur”, ka shtuar Buzhala.

“Graniti” hap showroom-in e dytë në Prishtinë (VIDEO)

Të tjera