Anëtari i Partisë Socialdemokrate (PSD) Blerim Maqastena ende është duke u mbajtur në burgjet e Serbisë. Lajmin e ka konfirmuar zëdhënësja e kësaj partie, Natyra Kuçi, shkruan Front Online.
Kuçi përmes një njoftimi në “Facebook”, ka thënë që Maqastena është duke u mbajtur padrejtësisht në burgjet e Serbisë.
“Sot Blerimi do te duhej te festonte bashke me ne, por ai padrejtesisht po mbahet ne burgjet e Serbise. Institucionet e Kosoves kane fut veshet ne lesh per kete rast, sepse Blerimi nuk eshte oportunist politik e as anetar i partive te tyre. Blerimi ishte dhe eshte aktivist i palodhshem qe lufton per barazi dhe drejtesi, atedhedashes i pakursyer ne secilen kohe. #BlerimMacastena”, ka shkruar ajo.
Blerim Maqastena është arrestuar në dhjetor të vitit të kaluar duke e kaluar kufirin Kosovë-Serbi.
