Ministri i Aleancës për Ardhmërinë e Kosovës, Blerim Kuçi ka dhënë dorëheqje nga pozita e tij.
Lajmin për Front Online e ka konfirmuar vet ministri Blerim Kuçi ka dhënë sot dorëheqje nga pozita e ministrit të Ekonomisë dhe Ambientit.
Kuqi ka thënë se vet ka kërkuar që të lirohet nga detyra për shkak të angazhimeve në fushatën parazgjedhore.
“Unë vet kam kërkuar të lirohem nga detyra, pasi nuk mundem në një Ministri kaq të rëndësishme të kryej detyrat e mia si ministër dhe të angazhohem në fushatë”, ka thënë Kuqi për Front Online.
Kuqi më tutje ka deklaruar se nuk do të jetë pjesë e listës së AAK-së për deputet, por që do të jetë pjesë e Shtabit Zgjedhorë.
“Nuk do të jem kandidat për deputet, por pjesë e Shtabit”, tha ai për Front Online.
Ndaj Kuçit kanë qenë duke u zhvilluar hetime për tenderin milionësh që ka marrë kompania e tij, “Hidro Term” për kontratën “Ndërtimi i Objektit Spitalor për Nënën dhe Fëmijën” në Prizren.
Front Online ka raportuar i pari për këtë tender.
Kompania e ministrit Kuçi shpërblehet me tender pesë milionësh (dokument)
Dyshimet për këtë tender ishin bërë edhe më të mëdha pasi që fillimisht me kontratë ishte shpërblyer një kompani tjetër. Por pas ankesave të njëpasnjëshme nga kjo kompani në OSHP, ky organ kishte vendosur që ta shpallte si të përgjegjshme kompaninë e Blerim Kuçit.
