Joe Biden ka paralajmëruar se “njerëzit mund të vdesin” nëse administrata e tij presidenciale e ardhshme vazhdon të pengohet nga Donald Trump.

Duke folur në Delaware, presidenti i zgjedhur tha se ishte i nevojshëm bashkërendimi për të luftuar shpërthimin e koronavirusit, njofton Klan Kosova.

Refuzimin e Trumpit për të pranuar rezultatin e zgjedhjeve, Biden e quajti krejt të papërgjegjshëm, pavarësisht thirrjeve që të pranojë humbjen.

“Kjo nuk është një lojë”, shkroi ish-zonja e parë Michelle Obama në rrjetet sociale.

Presidenti i zgjedhur Biden ka 306 vota në kolegjin zgjedhor, duke kapërcyer pragun prej 270 të nevojshëm për të fituar.

Megjithatë, të hënën Trump shkroi në Twitter: “Unë fitova Zgjedhjet!”