Aleanca për Ardhmërinë e Kosovës (AAK) ka shprehur gatishmërinë për mbajtjen e zgjedhjeve të reja me pretendimet për t’i fituar ato.

Nënkryetari i AAK-së, Ahmet Isufi pas mbledhjes së strukturave të partisë tha se zëvendëskryeministri tashmë në detyrë, Besnik Tahiri do të shkojë në takimin konsultues me ushtruesen e detyrës së presidentit, Vjosa Osmani.

“Ne jemi të përgatitur për zgjedhje, tani do të mbahen konsultimet edhe me ushtruesen e detyrës së presidentit, dhe natyrisht vendi do të shkojë në zgjedhje në të cilat AAK do të shkojë për të fituar. Në këtë zgjedhje do të dalim si AAK”

Ai përmes një konference për medie tha se AAK-ja mbanë qëndrimin e njëjtë për kandidaturën e Ramush Haradinajt për president të vendit.

“Ne e mbajmë të njëjtin qëndrim për kandidaturën e Haradinajt për presidentit”