Koordinatori nacional për siguri kibernetike, Zafir Berisha ka reaguar pas raportimeve se ushtria serbe ka zhvilluar manovra ushtarake.
Berisha ka shkruar se këto manovra nuk i lënë përshtypje askujt pasi i kanë bërë ballë me armatim të sjellur me mushka.
“Serbia po zhvillon një manovër ushtarake përmes të cilës po tenton të tregoj ”forcën” dhe “muskujt” duke paraqit 3 mijë ushtarë me tanke e avionë në një fushbetej të improvizuar!!! Këto mesazhe në rajonin ende të trazuar të Ballkanit, janë për me i bërë qefin vetes, përndryshe nuk e besoj se dikuj i len përshtypje, aq më pakë neve që i kemi bërë ballë me një ushtri vullnetare dhe të armatosur me armatim që kemi sjellë me shpinë, mushka e kuaj”, ka shkruar ai.